Teknika Garaikidea I, II , III eta IV

Biografía

Riart Company. Idoia Rodriguez eta Rafa Arenas:

Riart, Nafarroako konpainia emergente bat, Dantza Urbanetan eta Parkourrean du jatorria, eta hainbat diziplina artistikoren arteko elkarreragina ikertzea du helburu. Haien ustez, ikuspegi multidiziplinarrak ikuspegi berria ekar diezaioke dantza garaikidearen munduari, antzerki, dantza eta ikus-entzunezkoetako profesionalekin elkarlanean. Autodidakta izanik, konpainiak bere ikaskuntza jarraitzen du proiektuetan lan eginez: La Faktoria (Iruña), Cia Ertza (Donostia), Spoart (Frantzia), Zuk Performing Arts (Nafarroa) eta Acts of Liberation (Katalunia), besteak beste. Horrez gain, nazioarteko hainbat erreferenterekin ikastaro intentsiboetara joan dira. Gaur egun, estatu mailako bira batean daude “DÉRIVE” kale ikuskizunarekin, Acieloabierto 2024 Sarean; eta “EL VALOR DE LO INVISIBLE” areto-sorkuntza propioa ikertzen ari dira, DNA 2023 Programaren barruan. Gainera, INNOVA 2024 Programak diruz lagundutako proiektu soziokulturalak zuzentzen ari dira Nafarroa eta Kataluniaren arteko lankidetzan. Danzad, Danzad Malditos kale jaialdiarekin ere elkarlanean aritzen dira, parkour praktikatzen duten gazteen taldea koordinatuz eta publikoari gidaritza ematen dion sorkuntza zuzenduz; 2016tik parkoura praktikatzen duten hainbat gazte pasa dira proiektu honetatik. Riartek ikerketa, dokumentazio eta sorkuntza eszenikoaren dimentsioa garatzen du, balio soziala duten proiektuak bultzatuz

Proposamena:

Gaur egun, dantza garaikidearen eszenak maiz egungo sortzaileek garatutako tekniketatik elikatzen diren proiektuez hornitzen da. Horren adibide dira, esaterako, Flying Low, Gagá, Countertechnique, Kova, Falling and Rolling edo Gorputz kolektiboa bezalako teknikak.

Dantzerti-ko dantza-prestakuntzan, Teknika Garaikidea I, II eta III irakasgaietan lantzen diren teknika nagusiak hauek dira: Release, Limón, Horton eta Cunningham; XX. mendean garatutako dantza modernoa, postmoderno eta garaikidearen erreferenteak. Baina ikasleek ez dute XXI. mendean sortu eta egungo sortzaile eta koreografoen ikerketa-prozesuen emaitza diren teknika garaikideekin kontakturik.

Dantza garaikidearen garapenaren ezaugarrietako beste bat hibridazioa da: dantza-estiloen arteko nahasketa, hala nola folklorearen edo dantza urbanen eraginek eragindakoa. Horrek gaur egungo korronte artistikoetan kokatzen diren estilo eta tekniken agerpena ekarri du, dantza garaikidearen esparruaren barruan.

Jarduera hau lur-lanaren edukiari zuzenduta dago, Break Dance-aren eragin tekniko eta estetikoak dantza garaikideko lur-teknikaren egungo garapenean duen ekarpena azpimarratuz.