David Hornbackek 35 urte baino gehiagoko esperientzia du argazkilari profesional gisa Jackson, Mississippi, West Palm Beach, Florida, Providence, Rhode Island, San Jose, Kalifornia hirietako egunkarietan lan egiten. Eta free-lance bezala, Berlin, Sevilla, Istanbul, Tucson eta Bilbon.

1984an College Photographer of the Year, argazkilari onenaren saria jaso zuen, National Press Photographer 's en eskutik.
1989an Pulitzer Prize ospetsua jaso zuen San Jose Mercury Newsen taldearekin, San Frantziskoko lurrikarari buruzko erreportaje batengatik.
1984 eta 1992 artean freelance gisa lan egin zuen National Geographic-entzat.
1989an, Berlingo harresiaren erorketa dokumentatu zuen, San José Mercury News/Knight-Ridder News Service-rako.
2004an, Normandiako inbasioaren 60. urteurrenerako erreportaje bat egin zuen Texasko aldizkari baterako, Bigarren Mundu Gerrako amerikar beteranoekin.
2000tik, freelance gisa lan egiten du, bai Berlinen, bai Bilbon.