Montse Royo Climent Sabadellen jaio zen, eta Dantza Klasikoko Goi Mailako Titulua lortu zuen Madrilgo Alicia Alonso Kontserbatorioan, 2009an. Ballet klasikoari aplikatutako anatomofisiologia eta biomekanika ikasi zituen, eta hainbat urtetan dantzari aplikatutako gorputz-diziplina desberdinetan trebatu zen, baita beste arte-diziplina batzuetan ere. Sei ikasturtez balleteko irakaslea da Tolosako Udal Eskolan eta bost urte baino gehiagoz eskolak ematen ditu Gipuzkoa, Madril eta Kataluniako hainbat ikastetxetan. Dantzaren alorrean egindako irakasle-lanaz gain, lankidetzan ere jardun du hainbat urtez, arlo horretan trebatuz eta Indian irakasle boluntario gisa arituz.